Եթե ես առանց քահանայի, բայց ի սրտե ներողություն խնդրեմ Աստծուց, ներում կստանա՞մ մեղքերիս համար, քանի որ արել եմ բաներ, որոնց մասին երբեք, ոչ մեկին չեմ կարող ասել:

Քահանան այն անձնավորությունն է, ում անկախ իր անձից Աստծո կողմից տրված է երկրի վրա մարդկանց մեղքերի թողություն տալու իշխանություն:
Եթե անկեղծ սրտով մեր մեղքերը խոստովանում ենք Աստծուն, Նա, անշուշտ, ներում է: Սակայն անհրաժեշտություն կա դա անել եկեղեցում, քանի որ առանց դրա մենք չենք կարող Ս. Հաղորդության մոտենալ: Ընդհանրական կամ անհատական խոստովանությունից հետո մինչ այդ պահը գործած մեղքերը ներվում են, և նորոգված ու զորացած` մենք շարունակում ենք մեր ընթացքը: Ս. Գրիգոր Տաթևացին ասում է, որ մենք դատաստանի ժամանակ պետք է ամաչենք մեր հանցանքների համար բոլորի՝ Աստծո, հրեշտակների և մարդկանց առջև, որովհետև չենք կարող թաքցնել: Մենք կազատվենք այդ ամոթալի պատասխանատվությունից, եթե այսօր քահանայի առջև խոստովանենք: Դյուրին չէ՞ այսօր ամաչել մեկ մարդու՝ քահանայի առջև, քան ամբողջ տիեզերքով մեկ խայտառակ լինել: Եթե դժվար է անհատապես խոստովանել գործած մեղքերը, ապա կարող եք մասնակցել ընդհանրական խոստովանությանը:

Հարգանքով` www.qahana.am կայքի խմբագրակազմ