02
Հունս
Թեև մարմնի վրա նկարելը հնուց եկած սովորություն է, որի մասին Աստվածաշնչում նույնպես հիշատակում կա. «Ձեր մարմնի վրա դաջվածքներ մի՛ արեք» (Ղևտ. 19.28), սակայն պարզ է, որ հրեաների մոտ այդպիսի սովորություն չի եղել: Հետևություն անելով Աստվածաշնչյան որոշ մտքերից, կարելի է ասել, որ քրիստոնեությունն այսօր իր տեսակետը կարող է ունենալ թե դաջվածքների, թե այլ երևույթների, ինչպես օրինակ` ծխելու կամ թմրամոլության մասին, որոնք հիշատակված չեն Աստվածաշնչում: Հետևելով Աստվածաշնչյան խորհուրդներին, Եկեղեցին մեզ սովորեցնում է, որ մկրտությամբ մարդու մարմինը դառնում է Ս. Հոգու տաճար: Եթե մարդը քրիստոնյա է, և նրա մարմինը Ս. Հոգու տաճար է, ապա կարելի՞ է այդ տաճարի վրա ինչ-որ պատկերներ նկարել: Ընդունելի չէ անգամ խաչի դաջվածքը մարմնի վրա: Խաչի հանդեպ վերաբերմունքը պետք է արտահայտել այլ ձևերով:
Աղոթաբար՝ Սուրեն դպիր Ներսեսյան