Տեր Հակոբ քահանա Խաչատրյան (ավազանի անունը Արմեն) 

Ծնվել է 1974 թ․ հոկտեմբերի 8-ին Արմավիրի մարզի Ոսկեհատ գյուղում։ 

1980-1990 թթ․ սովորել է տեղի միջնակարգ դպրոցում։ 

1991-1996 թթ․ ուսանել է Սևանի Վազգենյան հոգևոր դպրանոցում։ 

1996-1997 թթ․ ուսումը շարունակել է Մայր Աթոռ Սուրբ Էջմիածնի Գևորգյան հոգևոր ճեմարանում։ 

1996 թ․ ձեռամբ՝ Արարատյան Հայրապետական թեմի առաջնորդական փոխանորդ Գերաշնորհ Տեր Գարեգին արքեպիսկոպոս Ներսիսյանի (Ներկային Ն․Ս․Օ․Տ․Տ․ Գարեգին Երկրորդ հայրապետի), ձեռնադրվել է սարկավագ։ 

1997 թ․ ծառայության է անցել Մայր Աթոռ Սուրբ Էջմիածնի «Էջմիածին» ամսագրում։ 1998 թ․ օգոստոսի 31-ին, ձեռամբ Արարատյան Հայրապետական թեմի առաջնորդական փոխանորդ Գերաշնորհ Տեր Գարեգին արքեպիսկոպոս Ներսիսյանի (Ներկային Ն․Ս․Օ․Տ․Տ․ Գարեգին Երկրորդ հայրապետի), ձեռնադրվել է ամուսնացյալ քահանա։ 1998-2000 թթ․ ծառայել է ՀՀ Զինված ուժերում՝ որպես հոգևոր սպասավոր։

2002-2003 թթ․ ծառայել է Արարատյան Հայրապետական թեմի Կոնդի Սուրբ Հովհաննես եկեղեցում։ 

2003-2005 թթ․ սպասավորել է Արարատյան Հայրապետական թեմի Նոր Նորքի Սուրբ Սարգիս եկեղեցում: 

2005-2013 թթ․ ծառայել է Արարատյան Հայրապետական թեմի առաջնորդանիստ Սուրբ Սարգիս եկեղեցում։ 

2013 թ․ սպասավորել է Արարատյան Հայրապետական թեմի Սուրբ Երրորդություն եկեղեցում։ 

2014-2025 թթ․ ծառայել է Երևանի Սուրբ Գրիգոր Լուսավորիչ Մայր եկեղեցում։ 

2025 թ. ծառայության է կոչվել Արարատյան Հայրապետական թեմում՝ որպես Աջափնյակ համայնքի հոգևոր հովիվ։ 

Ամուսնացած է, ունի երկու զավակ։