Ծնվել է 1975 թ. փետրվարի 6-ին Արարատի մարզի Վեդի քաղաքում: 

1992 թ.-ին ավարտել է տեղի թիվ 2 միջնակարգ դպրոցը և ընդունվել է Սևանի Վազգենյան հոգևոր դպրանոց: 

1997 թ.-ից ուսումը շարունակել է Մայր Աթոռ Սուրբ Էջմիածնի Գևորգյան հոգևոր ճեմարանում: 

1998 թ.-ին Տեր Աբրահամ եպիսկոպոս Մկրտչյանի ձեռնադրվել է սարկավագ, նույն թվականից ծառայության է անցել Արարատյան Հայրապետական թեմում՝ ստանձնելով զանազան պաշտոններ: 

1999 թ.-ին ձեռամբ Տեր Վաչե արքեպիսկոպոս Հովսեփյանի ձեռնադրվել է ամուսնացյալ քահանա, նույն թվականին նշանակվել է ծիսակատար քահանա Երևանի Ս. Հովհաննես Մկրտիչ եկեղեցում:

2000 թ.-ից ծառայության է անցել ՀՀ ազգային բանակում՝ որպես հոգևոր սպասավոր, միաժամանակ նաև հոգևոր հովվություն կատարել Բյուրավանի Ս. Գրիգոր Լուսավորիչ եկեղեցում: 

2004 թ.-ին ավարտել է բանակում ծառայությունը և նշանակվել ծիսակատար քահանա Երևանի Ս. Հովհաննես Մկրտիչ եկեղեցում: 

2006 թ.-ին Գարեգին Բ Ամենայն Հայոց Կաթողիկոսի օրհնությամբ ստացել է լանջախաչ կրելու իրավունք:

2014 թ.-ին Գարեգին Բ Ամենայն Հայոց Կաթողիկոսի օրհնությամբ ստացել է ծաղկյա փիլոն կրելու իրավունք:

2015-2017 թթ. ծառայել է Նորք-Մարաշի Ս. Աստվածածին եկեղեցում որպես խորհրդակատար քահանա: 

2017 թ.-ից ծառայում է Երևանի Ս. Հովհաննես Մկրտիչ եկեղեցում: