Ծնվել է 1973 թ. հոկտեմբերի 10-ին Արարատի մարզի Խոր Վիրապ գյուղում: 

1990 թ.-ին ավարտել է տեղի միջնակարգ դպրոցը: 

1991-1996 թթ. սովորել է Սևանի Վազգենյան հոգևոր դպրանոցում: 

1996 թ.-ի մայիսի 16-ին՝ Համբարձման տոնին, ձեռամբ Տեր Գարեգին արքեպիսկոպոս Ներսիսյանի, ձեռնադրվել է սարկավագ: 

1996-1997 թթ. ավարտել է Մայր Աթոռ Սուրբ Էջմիածնի Գևորգյան հոգևոր ճեմարանը: 1997 թ.-ից ծառայել է Մայր Աթոռ Սուրբ Էջմիածնի ՔԴԿ-ում, 1998 թ.-ից Արարատյան Հայրապետական թեմի ՔԴԿ-ում: 

1998 թ.-ի օգոստոսի 30-ին, ձեռամբ Տեր Գարեգին արքեպիսկոպոս Ներսիսյանի, ձեռնադրվել է ամուսնացյալ քահանա: 

1998-2000 թթ. ծառայել է Երևանի Ս. Հովհաննես Մկրտիչ եկեղեցում: Զուգահեռ նաև ծառայել է ՀՀ ազգային բանակում ՝ որպես հոգևոր սպասավոր: 

2000-2001 թթ. ծառայել է Մրգավանի Ս. Հակոբ եկեղեցում: 

2002-2004 թթ. ծառայել է Սուրբ Հովհաննես Մկրտիչ եկեղեցում:

2003 թ.-ին ստացել է լանջախաչ կրելու իրավունք։

2004-2019 թթ. ծառայել է Մալաթիայի Սուրբ Մարիամ Աստվածածին եկեղեցում:

2013 թ.-ին Վեհափառ Հայրապետի ձեռամբ ստացել է ծաղկյա փիլոն կրելու իրավունք։

2019 թ.-ից ծառայում է Քանաքեռի Սուրբ Հակոբ եկեղեցում: 

Ամուսնացած է, ունի երեք զավակ: