Այցելություն ծնողազուրկ երեխաներին
Փետրվարի 13-ին «Նագաշյան մանուկների տուն» երեխաների աջակցության կենտրոնում կազմակերպվեց միջոցառում՝ նվիրված Տեառնընդառաջի և Սուրբ Սարգսի տոներին։
Նորք-Մարաշի Սուրբ Աստվածածին եկեղեցու խորհրդակատար Տեր Զգոն քահանա Աբրահամյանը և կենտրոնի բարերար Արմեն Բադալյանը՝ իր ընտանիքի հետ միասին այցելեցին կենտրոն՝ առանձնահատուկ սեր ու հոգատարություն նվիրելու այնտեղ բնակվող ծնողազուրկ երեխաներին:
Միջոցառումը մեկնարկեց քահանայի աղոթքով և օրհնությամբ։ Ներկայացվեց տոների խորհուրդը։ Կենտրոնի սաները ելույթ ունեցան և հյուրասիրեցին իրենց պատրաստած ազգային ուտեստները։ Բակում վառվեց ավանդական խարույկը։
Արարատյան Հայրապետական թեմի տեղեկատվական բաժին
- 2025-02-17