Ջրօրհնեքի կարգ՝ մատուռում
Հունվարի 15-ին ջրօրհնեքի կարգ է կատարվել Սուրբ Գրիգոր Լուսավորիչ պոլիկլինիկայի Սուրբ Գրիգոր Նարեկացի մատուռում: Կարգը կատարել է Նոր Նորքի Սուրբ Աստվածածին եկեղեցու հոգևոր հովիվ Տեր Աշոտ քահանա Սաֆարյանը և փոխանցել Սուրբ Ծննդյան ավետիսը:
Հոգևորականի խոսքով՝ մատուռում յուրաքանչյուր տարի կատարվում է ջրօրհնեքի կարգ:
«Ջրօրհնյաց կարգը խորհրդանշում է մեր Տեր Հիսուս Քրիստոսի մկրտությունը: Նրան մկրտողը Հովհաննես Մկրտիչն էր: Ջրօրհնեքի կարգի ժամանակ ավազանով դրված ջուրը խորհրդանշում է Հորդանան գետը, խաչը՝ Քրիստոսին»,- նշեց Տեր Աշոտը:
Յուրաքանչյուր տարի մատուռի խաչքավոր է ընտրվում բժիշկներից մեկը: 2025 թվականին ընտրվել է վիրաբույժ Միքայել Խաչատրյանը: Արարողության ավարտին օրհնած ջուրը բաժանվել է պոլիկլինիկայի այցելուներին և բժիշկներին:
Արարատյան Հայրապետական թեմի տեղեկատվական բաժին
- 2025-01-16