Սուրբ Ծննդյանն ընդառաջ` միջոցառումներ Էրեբունի համայնքում
Դեկտեմբերի 29-ին` Ս․ Ծննդյան պահքի բարեկենդանին, Էրեբունի համայնքում տոնական տրամադրություն էր։
Սուրբ Պատարագից հետո կազմակերպվեց մատաղի հյուրասիրություն։ Ներկաները դիտեցին համայնքի կիրակնօրյա դպրոցի կողմից կազմակերպված միջոցառումը` նվիրված բարեկենդանին։ Այնուհետև կիրակնօրյա դպրոցը, Էրեբունի համայնքի հոգևոր հովիվ Տեր Ղուկաս քահանա Բալայանի առաջնորդությամբ, այցելեց Վարդաշենի խնամքի տուն։ Երեխաները տեղի բնակիչների համար օրը տոն դարձրին` ներկայացնելով բարեկենդանին նվիրված միջոցառումը:
Էրեբունի համայնքում երեկոյան կիրակնօրյա դպրոցի սաները ներկայացրին ստվերային հանդես՝ նվիրված Սուրբ Ծննդյանը:
Արարատյան Հայրապետական թեմի տեղեկատվական բաժին
- 2024-12-31