Միջոցառում՝ նվիրված Սուրբ Ծննդին
Դեկտեմբերի 26-ին Արարատյան Հայրապետական թեմի առաջնորդանիստ Սուրբ Սարգիս եկեղեցու կիրակնօրյա դպրոցի սաները թեմի առաջնորդարանի դահլիճում մասնակցեցին ամանորյա միջոցառման, որը նվիրված էր քրիստոնեության մուտքին՝ Հայաստան:
ԱՀԹ Սուրբ Սարգիս եկեղեցու հոգևոր հովիվ Տեր Պետրոս ավագ քահանա Մալյանը միջոցառումը սկսեց Տերունական աղոթքով:
Կիրակնօրյա դպրոցի սաներն իրենց ելույթներով ներկայացրին, թե ինչպես են հայերը տոնել Ամանորն ու Սուրբ Ծնունդը:
«Փոքրիկ բեմադրությամբ ներկայացրինք՝ ինչպես Աբգար թագավորը նամակ գրեց Հիսուս Քրիստոսին, ստացավ պատասխան, ինչպես արքան բժշկվեց ու առաքյալներն ինչպես եկան հայոց աշխարհ: Կարևոր է, որ անդրադառնանք նման թեմայի, որպեսզի երեխաները լավ սերտեն այդ կարևոր դասը»,- նշեց կիրակնօրյա դպրոցի ուսուցչուհի Գոհար Չալղյանը:
Ամանորյա հանդեսին ներկա էր նաև ԱՀԹ Քրիստոնեական դաստիարակության կենտրոնի տնօրեն Հասմիկ Նալբանդյանը:
Միջոցառման վերջում հյուր եկան ձյունանուշն ու ձմեռ պապը՝ քաղցրավենիքով լի պարկն ուսին: Երևանում «Մոսկվայի տուն» կենտրոնի կողմից երեխաներին տրվեցին ամանորյա միջոցառման տոմսեր:
Արարատյան Հայրապետական թեմի տեղեկատվական բաժին
- 2024-12-22