Դասընթաց կիրակնօրյա դպրոցների ուսուցիչների համար
Արարատյան Հայրապետական Թեմի առաջնորդական փոխանորդ Գերաշնորհ Տ․ Նավասարդ արքեպիսկոպոս Կճոյանի օրհնությամբ թեմի Քրիստոնեական դաստիարակության կենտրոնի տնօրեն Հասմիկ Նալբանդյանը կիրակնօրյա դպրոցների ուսուցիչների համար հուլիսի 15-ից 19-ը կազմակերպել էր սեմինար-դասընթաց: Դասընթացի շրջանակում ուսուցիչներն անդրադարձան դասավանդման մեթոդական հարցերին, ինչպես նաև հնարավորություն ուենցան փորձի փոխանակման, երեխաների համար թեմատիկ խաղեր, դիդակտիկ նյութեր, տեսադասեր պատրաստելու, համակարգչային օգտակար ծրագրեր ուսանելու:
Ուսուցիչների խնդրանքով «Հավիտենական կյանք» թեմայի շուրջ բանախոսություն կարդաց Տեր Եսայի քահանա Արթենյանը: Սպասված էր նաև հանդիպումը Մայր Աթոռ Սուրբ Էջմիածնի Քրիստոնեկան դաստիարակության կենտրոնի տնօրեն հոգեշնորհ Տեր Զաքարիա Ծայրագույն վարդապետ Բաղումյանի հետ: Հանդիպման առանցքային թեման, ՀԵՊ առարկայի դպրոցական ծրագրից դուրս գալուց հետո, Հայ Առաքելական Սուրբ Եկեղեցու կրթադաստիարակչական առաքելության մեջ կիրակնօրյա դպրոցների հետագա ծավալմանն ուղղված ռազմավարական, վարչական, ուսումնամեթոդական հարցեր էին:
- 2024-07-22