Գերաշնո՜րհ Սրբազան հայր, 

Ի խորոց սրտի շնորհավորում ենք Ձերդ Սրբազնությանը եպիսկոպոսական օծման տարեդարձի առթիվ: 

Ձեր եպիսկոպոսական գավազանի հովանու ներքո հանապազ զորացել է հավատավորներիս հոգևոր ընթացքը և բազում բարի պտուղներով արդյունավորվել թեմական կյանքը:

Աղոթում ենք, որ Աստված Ձեզ պարգևի քաջ առողջություն և անսպառ եռանդ՝ շարունակելու աստվածահաճո Ձեր առաքելությունն` ի պայծառություն Առաքելական Սուրբ Եկեղեցու, ի շինություն  մեր Հայրենիքի և ի փառս Աստծո:

Որդիական խոնարհութեամբ մատչիմք ի համբոյր Ձերդ Սրբազնութեան սուրբ աջոյն: