Ավագ շաբաթը մեր Տիրոջ՝ Հիսուս Քրիստոսի երկրային կյանքի վերջին օրերի իրադարձությունների հիշատակության՝ չարչարանքների, խաչելության, թաղման, ինչպես նաև դժոխքի ավերման, հոգիների ազատման և հրաշափառ Հարության շաբաթն է:

 

Ավագ շաբաթվա ընթացքում Քրիստոս հաստատեց Եկեղեցու գլխավոր խորհուրդներից մեկը՝ ՍուրբՀաղորդության խորհուրդը՝ որպես Տիրոջ հետ հաղորդակցվելու կարևոր խորհուրդ: 

 

Այս շաբաթը կոչվում է Ավագ, քանի որ խորհրդանշում է չորս մեծ ժամանակաշրջաններ. նախ՝ աշխարհի արարման շաբաթը, ապա՝ այս կյանքի յոթ փուլերը (ըստ Եկեղեցու հայրերի՝ արարչությունից մինչև Տիրոջ երկրորդ գալուստը յոթ շրջան է), այնուհետև՝ Քրիստոսի չարչարանքների շաբաթը և վերջապես՝ աշխարհի վախճանը: 

 

Ձեզ ենք ներկացնում Արարատյան Հայրապետական թեմի եկեղեցիների Ավագ շաբաթվա ծիսական ժամանակացույցը: 

 

Ապրիլի 2-ին` Ծաղկազարդ։ 

Քրիստոսի հրաշափառ մուտքը Երուսաղեմ 

 

ժամը 09.00-ին` Առավոտյան ժամերգություն և ուռենու ոստերի օրհնություն

ժամը 11.00-ին` Սուրբ Պատարագ և մանուկների օրհնության կարգ 

ժամը 17․00 -ին՝ Դռնբացեք

 

Ապրիլի 3-ին` Ավագ երկուշաբթի: 

Արարչագործության, անիծված թզենու հիշատակության օր:

 

ժամը 9.00-ին` Առավոտյան ժամերգություն

ժամը 17.00-ին` Երեկոյան ժամերգություն

 

Ապրիլի 4-ին` Ավագ երեքշաբթի: 

Տասը կույսերի հիշատակության օր: 

 

ժամը 9.00-ին` Առավոտյան ժամերգություն

ժամը 17.00-ին` Երեկոյան ժամերգություն

 

Երեկոյան ժամերգության ավարտին եկեղեցու դասում հավաքվում են 10 կույսերին խորհրդանշող պարմանուհիներ: Նրանք վիճակահանությամբ նախապես որոշում են, թե ում են խորհրդանշելու՝ խելացի, թե՞ հիմար կույսերին: Վերջիններիս մոմերը ավետարանական ընթերցումների ժամանակ մարում են:  

 

Ապրիլի 5-ին` Ավագ չորեքշաբթի:  

Հիշատակ մեր Տեր Հիսուս Քրիստոսի մատնության:

 

ժամը 9.00-ին` Առավոտյան ժամերգություն

ժամը 17.00-ին` Երեկոյան ժամերգություն

 

Ապրիլի 6ին` Ավագ հինգշաբթի: 

Մեր Տեր ՀիսուսՔրիստոսի վերջին ընթրիքի հիշատակության և ՍուրբՀաղորդության խորհրդի հաստատման օր: 

 

ժամը 9.00-ին` Առավոտյան ժամերգություն և ապաշխարողների արձակման կարգ 

ժամը 11.00-ին` Սուրբ Պատարագ 

ժամը 16.00-ին` Կարգ ոտնլվայի և յուղի օրհնություն 

ժամը 19.00-ին` Խավարման կարգ

 

Արարողության ընթացքում խորանի վրա դրվում է 13մոմ, որոնցից 12-ը խորհրդանշում են առաքյալներին։ 12 մոմերից վառվում են 11-ը, Հուդային խորհրդանշող մոմը չի վառվում։ Իսկ կենտրոնի մեծ մոմըխորհրդանշում է Քրիստոսին: Ավետարանական ընթերցումների ժամանակ հերթով մարում են առաքյալներին խորհրդանշող մոմերը, վերջում մնում էմիայն կենտրոնինը` խորհրդանշելով մենակ մնացած Քրիստոսին:

 

Ապրիլի 7-ին` Ավագ ուրբաթ: 

Հիսուս Քրիստոսի չարչարանքների, խաչելության, մահվան ու թաղմանհիշատակի օրն է: 

 

Ավետման տոն։

 

(Ավետման տոնի առթիվ այս տարի Սուրբ Պատարագ չի մատուցվի, քանի որ տոնը համընկել է Ավագ ուրբաթի հետ)։ 

 

ժամը 11.00-ին` Խաչելության կարգ: 

 

Ընթերցում են Ավետարաններից հատվածներ, որոնքբովանդակում են Հիսուս Քրիստոսի երկրային կյանքիվերջին ժամերը` Գողգոթայում խաչվելը, արեգակիխավարումը, մահը:

 

ժամը 17.00-ին` Թաղման կարգ: 

 

Հավատացյալների բերած ծաղիկներով զարդարվում է խորհրդանշական գերեզմանը: Արարողության ավարտին հավատացյալները խոնարհվում, համբուրում կամ անցնում են գերեզմանի տակով` Տիրոջից իրենց հոգիների փրկություն ու առողջությունխնդրելով: 

 

Ապրիլի 8-ին` Ավագ շաբաթ: Ճրագալույց: 

 

ժամը 9.00-ին Առավոտյան ժամերգություն

ժամը 17.00-ին` Երեկոյան ժամերգություն 

ժամը 18.00-ին` Ճրագալույցի Սուրբ Պատարագ:

Հավարտ Սուրբ Պատարագի կտրվի Սուրբ ՀարությանԱվետիսը` «Քրիստոս Յարյաւ ի մեռելոց: Օրհնեալ է Յարութիւնն Քրիստոսի»։ Մարդիկ վառված ճրագներ են տանում տուն` ի նշան Քրիստոսի օրհնաբեր լույսի: 

 

Ապրիլի 9-ին`Սուրբ Զատիկ։

Մեր Տիրոջ ՀիսուսՔրիստոսի Հրաշափառ Հարության տոն: 

 

ժամը 09.00-ին՝ Առավոտյան ժամերգություն

ժամը 11.00-ին` Սուրբ Պատարագ

ժամը 17.00-ին՝ Երեկոյան ժամերգություն

 

Ապրիլի 10-ին` ննջեցյալների հիշատակության օր` Մեռելոց: 

 

ժամը 09.00-ին՝ Առավոտյան ժամերգություն

ժամը 10.30-ին` Սուրբ Պատարագ։ Ավարտին կատարվում է հոգեհանգստյան կարգ

ժամը 17.00-ին՝ Երեկոյան ժամերգություն