Ամփոփվել է «Իմ գաղտնի գրքաՍԵՐ. սիրո խոստովանություն գրքով» միջոցառում-ակցիան
Երիտասարդների և սիրո բարեխոս Սուրբ Սարգսի տոնին սիրո խոստովանություն կարելի է անել թե′ խոսքով, թե′ գրքով։ Արդեն 7 տարի շարունակ Արարատյան Հայրապետական թեմը և «Բուկինիստ» ընկերությունը գեղեցիկ միջոցառում են կազմակերպում գրքասերների համար։
Սուրբ Սարգսի տոնին նախորդող օրերին գրքասերները կարողացել էին 20% զեղչով գիրք գնել «Բուկինիստ»-ից, գրել ընծայագրեր և թողնել այնտեղ՝ բացիկի վրա նշելով այն անձի անունը և տվյալները, ում ցանկանում էին նվիրել գիրքը:
Ուրբաթ օրը՝ փետրվարի 10-ին, Երեւանի Աբովյան փողոցում գտնվող «Բուկինիստ» գրախանութում գիրք նվիրողները մասնակցում էին խաղարկության ու ստանում նվերները:
Խաղարկության ընթացքում մասնակիցները հնարավորություն ունեցան շահելու մայրաքաղաքի մի շարք մշակութային կենտրոնների տոմսեր և իրենց օրը վայելել սիրելիների հետ։
- 2023-02-13