Սուրբ Խաչի Երևման տոնի նախօրեին Ներքին Դվինի Սուրբ Հարություն եկեղեցու հոգևոր հովիվ Տեր Եղիշե քահանա Նուրիջանյանը, «Հայորդի» երիտասարդաց միության անդամները և գյուղի միջնակարգ դպրոցի մի խումբ աշակերտներ կազմակերպեցին խաչերթ` քայլելով Ս. Հակոբ եկեղեցուց Ս. Հարություն եկեղեցի:
Շարականներով, խաչով, խաչվառով և խաչին ձոնված պաստառներով ընթացող երթի մասնակիցները ճանապարհին օ8հնված խաչեր էին բաժանում ավտոմեքենաների վարորդներին` մաղթելով, որ Ս. Խաչը պահապան լինի նրանց:
Երթն ուղեկցվում էր Նորաշեն գյուղի երաժշտական դպրոցի դհոլահարների կատարումներով:
Ս. Հարություն եկեղեցում հոգևորականները կատարեցին նախատոնակ, և Տեր հայրն օրհնեց խաչերթի մասնակիցներին:
Մանե ՀԱԿՈԲՅԱՆ
«Հայորդի» լրագրողական ակումբ
