Երիտասարդները թերթոններ բաժանեցին Խաչվերացի նախորդ երեկոյան
Սեպտեմբերի 13-ին՝ Խաչվերացին նախորդող շաբաթ օրը, Արարատյան Հայրապետական թեմի երիտասարդները առաջնորդական փոխանորդ գերաշնորհ Տ. Նավասարդ արքեպիսկոպոսի օրհնությամբ Երևանի փողոցներում անցորդներին իրազեկեցին Խաչվերացի տոնի մասին և թերթոններ բաժանեցին: Նախաձեռնությունը սկսելուց առաջ ԱՀԹ Առաջնորդանիստ Ս. Սարգիս եկեղեցու հոգևոր հովիվ և երիտասարդական կառույցների համակարգող Տ.Պետրոս ավագ քահանա Մալյանը պահպանիչ աղոթք կարդաց երիտասարդների համար: ԱՀԹ երիտասարդներն արդեն ավանդույթ են դարձրել տաղավար տոներից առաջ մարդկանց իրազեկել Հայ Առաքելական Սուրբ Եկեղեցու տոների և խորհուրդների մասին:
- 2014-09-16