Մայրիկ
Լուսավոր հուշեր, մի կապույտ գիշեր
Հեռացած օրեր ու տաքուկ ձեռքեր,
Հայացքով անուշ ինձ շոյող աչքեր,
Ու կարոտ դարձած մանկության օրեր:
Ուր էլ գնամ դու ինձ հետ արի,
Դու իմ միակ, իմ արթուն փերի,
Իմ միակ , մայր իմ բարի,
Քեզ սիրում եմ, անգին իմ մայրիկ:
կրկ.
Լույսը քո անհուն աչքերում անմար
Վառ աստղի նման ինձ տանում են,
Սերն է քո հոգում մի ամբողջ աշխարհ
Իմ անհոգ ու խենթ օրերի:
Ինձ համար գիշերը մոմեր վառած
Նուրբ ձեռքերը ես համբուրում եմ,
Քո սիրո համար իմ մայրիկ բարի
Ողջ աստղերը քիչ են էլի:
Քո գրկում այնպես երջանիկ եմ ես
Երազում անգամ լուռ ժպտում եմ քեզ,
Դու մնա ինձ հետ ու ապրիր հավետ
Չեմ թողնի երբեք միայնակ լինես:
Ծով է հոգիդ ու աղբյուր վարար,
Լուսե երազ ես դու ինձ համար,
Իմ միակ , մայր իմ բարի
Քեզ սիրում եմ անգին իմ մայրիկ:
- 2021-12-11